Posiziuns e appels

Il Club Helvétique publitgescha posiziuns davart discussiuns actualas, era per iniziar cuntraversas necessarias davart dumondas impurtantas da noss temp. El fa plinavant appels davart eveniments spezials, preschents u passads, da la vita politica u sociala.

Il Club Helvétique s’engascha per la concordanza

Cuss. fed. Eveline Widmer-Schlumpf è sa retratga dal Cussegl federal, il qual vegn elegì il proxim 9 da december. En lez connex evochesch’ins la « concordanza confederala» per giusitifitgar l’attribuziun d’ina segunda sedia a la PPS. Ma tge munta vairamain «concordanza»?

Position

Appel dal Club Helvétique per las elecziuns federalas da l’atun 2015

Ins po star da la vart politica ch’ins veglia, ma ins duai en mintga cas far diever dals agens dretgs civics cun sa participar a las elecziuns. E latiers duain ins vuschar per quellas candidatas e per quels candidats che garanteschan sensa resalva las pitgas da nossa democrazia : respect, spiert cosmopolitic e constituziunalitad.

Appel

La Convenziun europeica dals dretgs umans è ratifitgada dapi quaranta onns

l Club helvétique gratulescha a la Svizra per quai aquist fundamental ed appellescha a defender e mantegnair el.

Ils 28 da november 1974 ha la Svizra ratifitgà la Convenziun europeica dals dretgs umans (CEDU). Tras quai ha’la declerà da resguardar quai contract da dretg internaziunal sco liant ed incorporà quel en ses agen dretg. Ensemen cun la Constituziun federala garantescha la Convenziun europeica dals dretgs umans ils dretgs fundamentals da mintga persuna che viva en Svizra. La CEDU funda pasch e libertad en l’Europa. Il Club helvétique gratulescha a la Svizra per il quarantavel giubileum da la ratificaziun. A medem temp appellescha el da s’engaschar per il mantegniment da quest contract, fundament da pasch e libertad, ed a cumbatter mintga tentativa da l’indeblir u da l’abolir.

Communicaziun